---
title: "«AMANAT» партиясы Екібастұздағы 1300-ден астам балаға демалыс ұйымдастырады"
description: "«AMANAT» партиясы Екібастұздағы 1300-ден астам балаға демалыс ұйымдастырады📷Бүгін «AMANAT» партиясы ..."
author: "syrym.nurotan.kz"
published: "2022-12-12T06:39:00+00:00"
modified: "2022-12-12T06:39:00+00:00"
locale: "kk"
canonical_url: "https://yvision.kz/kk/post/amanat-partiyasy-ekibast-zda-y-1300-den-astam-bala-a-demalys-yymdastyrady-980527"
markdown_url: "https://yvision.kz/kk/post/amanat-partiyasy-ekibast-zda-y-1300-den-astam-bala-a-demalys-yymdastyrady-980527/markdown"
site_name: "Yvision.kz"
---

# «AMANAT» партиясы Екібастұздағы 1300-ден астам балаға демалыс ұйымдастырады

> «AMANAT» партиясы Екібастұздағы 1300-ден астам балаға демалыс ұйымдастырады📷Бүгін «AMANAT» партиясы ...

«AMANAT» партиясы Екібастұздағы 1300-ден астам балаға демалыс ұйымдастырады

📷Бүгін «AMANAT» партиясы Түркістан облыстық филиалының кезектен тыс конференциясы өтті. Іс-шараға партия Төрағасы Ерлан Қошанов, өңірлік саяси кеңес мүшелері, мәслихаттардағы «AMANAT» депутаттық фракциясының мүшелері, бастауыш партия ұйымдарының басшылары, облыстық партия активі қатысты.

📷«Сайлау өзгеше саяси тәртіпте, жаңа ереже бойынша өтеді. Сондықтан сайлау кампаниясының стратегиясын қазірден дайындап алуымыз қажет. Өткен Президенттік сайлау кезінде бізге халықтан 51 мың ұсыныс пен тілек келіп түсті. Соның 3 мыңнан астамы Түркістан облысының халқынан жиналды. Тұрғындарды жалақының төмендігі, тұрғын-үй мәселесі, жұмыссыздық қатты алаңдатады. Сондықтан аталған мәселелер сайлауалды тұғырнамада көрініс табуы керек», – деді партия Төрағасы.

📷Партия Төрағасы барлық деңгейдегі мәслихат депутаттарын, бастауыш партия ұйымдары мен қоғамдық қабылдау бөлмелерін азаматтардың мәселелерін шешу үшін жұмылдыру маңызды екенін атап өтті.

📷Ол Екібастұздағы төтенше жағдай кезінде волонтерлер мен партия белсенділері алғашқы күннен бастап қала тұрғындарына гуманитарлық көмекті таратуға атсалысқанын атап өтті. Тұрғындарға жылытқыштар, жылы көрпелер және бірінші кезекте қажетті заттар табысталды.

Екібастұздықтарға көмек көрсету жұмысы жалғасып жатыр.

📷«Зардап шеккен отбасылардың баспаналарында жөндеу жұмыстары басталады. Осы кезде Екібастұздағы балаларды еліміздегі, соның ішінде Түркістан облысындағы шипажайларға жіберуге де болады деп санаймын. «AMANAT» партиясы 1300-ден астам оқушының қысқы каникул уақытында елдегі демалыс кешендеріне баруына жағдай жасайды», – деді Е.Қошанов.

📷Конференция барысында филиалдың жаңа төрағасы сайланды. Конференция жұмысына қатысқан делегаттар ашық дауыс беру арқылы Алтынсары Үмбетәлиевті «AMANAT» партиясы Түркістан облыстық филиалының жаңа басшысы ретінде сайлады. Ол бұған дейін Шымкент университетінің «Экономика» кафедрасының профессоры қызметін атқарды.

📷Толығырақ: https://amanatpartiasy.kz/news/news-detail/297201?lang=kz

#AMANAT

---

Source: [https://yvision.kz/kk/post/amanat-partiyasy-ekibast-zda-y-1300-den-astam-bala-a-demalys-yymdastyrady-980527](https://yvision.kz/kk/post/amanat-partiyasy-ekibast-zda-y-1300-den-astam-bala-a-demalys-yymdastyrady-980527)