---
title: "Алтай Көлгінов елші болды"
description: "Кезінде еліміздің бас қаласының әкімі ретінде танылған Алтай Көлгінов енді дипломатиялық қызметке кіріскелі жатыр. Фото:gov.kz \"Мемлекет басшысының Жарлығымен Алтай Сейдірұлы Көлгінов Қазақстан Республикасының Эстония Республикасындағы Төтенше..."
author: "orazali"
published: "2024-03-27T04:45:16+00:00"
modified: "2024-03-27T04:45:16+00:00"
locale: "kk"
canonical_url: "https://yvision.kz/kk/post/altay-k-lginov-elshi-boldy-1002684"
markdown_url: "https://yvision.kz/kk/post/altay-k-lginov-elshi-boldy-1002684/markdown"
site_name: "Yvision.kz"
---

# Алтай Көлгінов елші болды

> Кезінде еліміздің бас қаласының әкімі ретінде танылған Алтай Көлгінов енді дипломатиялық қызметке кіріскелі жатыр. Фото:gov.kz "Мемлекет басшысының Жарлығымен Алтай Сейдірұлы Көлгінов Қазақстан Республикасының Эстония Республикасындағы Төтенше...

Кезінде еліміздің бас қаласының әкімі ретінде танылған Алтай Көлгінов енді дипломатиялық қызметке кіріскелі жатыр.

![Алтай Көлгінов елші болды](https://storage.yvision.kz/images/user/577776/13796b5b108516dd34ac5038cefe05.jpg)

Фото:gov.kz

"Мемлекет басшысының Жарлығымен Алтай Сейдірұлы Көлгінов Қазақстан Республикасының Эстония Республикасындағы Төтенше және Өкілетті Елшісі лауазымына тағайындалды", - деп жазады t.me/aqorda_resmi.

Алтай Сейдірұлы 1978 жылы дүниеге келген. Ол А.Ясауи атындағы халықаралық қазақ-түрік университетін, Қазақстан Республикасы Президенті жанындағы мемлекеттік басқару академиясын, «Болашақ» бағдарламасы бойынша Ұлыбританияның Абердин университетін бітірген. Мемлекеттік және жергілікті басқару магистрі, халықаралық коммерциялық құқық магистрі.

2000 жылы Қазақстан Республикасының Қарулы күштерінде қызмет еткен.

2001-2008 жылдары Қазақстан Республикасы Әділет министрлігі, Мемлекеттік қызмет істері Агенттігі және Бас прокуратура органдарында әр түрлі лауазымда қызмет атқарады.

2008-2010 жылдары - «АлашМедиаГрупп» ЖШС бас директорының орынбасары.

2010-2012 жылдары Қазақстан Республикасы Президенті Әкімшілігінің аймақтық-ұйымдастыру және мемлекеттік бақылау жұмыстары бөлімінің мемлекеттік инспекторы қызметін атқарды.

2012-2013 жылдары Батыс Қазақстан облысы әкімінің орынбасары.

2013-2016 жылдары Орал қаласының әкімі қызметінде болды.

2016 жылдың 26 наурызынан Батыс Қазақстан облысының әкімі қызметін атқарды.

2019 жылдың 13 маусымынан 2022 жылдың 8 желтоқсанына дейін - Нұр-Сұлтан қаласының (2022 жылдың 17 қыркүйегінен - Астана) әкімі.

2022 жылдың 9 желтоқсанынан 2023 жылдың 8 маусымына дейін - Премьер-министрдің орынбасары.

---

Source: [https://yvision.kz/kk/post/altay-k-lginov-elshi-boldy-1002684](https://yvision.kz/kk/post/altay-k-lginov-elshi-boldy-1002684)