12-сәуір күні Атырау қаласы студенттерінің қатысуымен өткен «Жасыл жапырақ» акциясына АРЕС колледжінің студенттері де белсене қатысты.
Акция Атырау қалалық жастар ресурстық ортылығы және Жасыл ел Атырау облыстық штабының қолдауымен өткізілді.
Айтулы іс-шараның өз дәрежесінде өтуіне АРЕС колледжінің студенттері де ат салысты.
Колледждің студенттік кеңесінің белсенділері Н.Абенова, Ж.Самиғоллаұлы, М.Сәттіғұл, С.Сұңғатов, И.Уразбаев әр студенттің аты жазылған түбіртектер дайындап таратты.
Алғашқы болып ағашты Атырау облысы Жастар саясаты мәселелері басқармасының басшысы Мейірім Қалауи отырғызды.
Акция барысында әр студент өзінің атаулы ағашын отырғызып, оларға су құйды. Барлығы акцияға АРЕС колледжінен 100 студент, 20 оқытушы және облыс жастарының қатарында 50 волонтер қатысты. Ағаш отырғызылып болған соң, колледж ауласында Жастар ресурстық орталығының ұйымдастыруымен флеш-моб өткізілді.
Студенттер белсенділік таныстып, салауатты өмір салтын насихаттап, сауықтыру биін биледі. Жалпы акция өз мақсатына жетіп, жастар үлкен қызығушылықпен ат салысты.