Естанов екінші раунда қарсыласына қылқындыру әдісін қолданып, оны жеңілісін мойындауына мәжбүр етті. Сөйтіп қазақстандық спортшы 65,8 келі салмақ дәрежесі бойынша жартылай финалға өтті.
Alash Pride командасының капитаны Аслан Тоқтарбаев (61,2 келі) Саид Нұрмагомедовтан жеңіліп қалды. Үш кезеңнің қорытындысы бойынша төрешілер есеп бойынша жеңісті дағыстандық спортшыға берді. Жартылай финалдар сәуір айында өтеді деп жоспарланған.
Айта кетейік, Berkut гран-при турниріне Alash Pride командасының басқа да мүшелері қатысады. 9 наурызда басқа салмақ дәрежелері бойынша сайыстар өтеді. Ермек Тлауов (70,3 келіге дейін) Сайд-Хамзат Авхадовпен, Махир Мамедов (77,1 келіге дейін) Гусейн Омаровпен жекпе-жекке шығады. 15 наурызда Грозныйда Alash Pride-тың тағы екі спортшысы өнер көрсетеді. Қылышбек Сарқарбаев (93 келіге дейін) Әлихан Вахаевпен, ал Әділ Боранбаев (84 келіге дейін) Муслим Жамулаевпен күш сынасады.