Шана спортынан Елизавета Аксенова бір орындық шанамен екі жарысты да 29-шы орынмен аяқтады, деп хабарлады ҚазАқпарат тілшісі Сочидағы ХХІІ қысқы Олимпиадалық ойындардан.
Краснояр қаласының тумасы, 18 жастағы Елизавета Аксенова — шана спортынан Олимпиададағы Қазақстанның бірден-бір өкілі.
Алғашқы жарыста ол 51,836 секунд уақытымен нәтиже көрсетіп, 29-орынға ие болды. Екінші жарыста да ол алдыңғы нәтижесін сақтап қалды (52,068 секунд, 29-орын). Ертең де ол екі жарысқа қатысады. Жарыстар 20.30-да «Санки» шана спорты орталығында өтеді.
Шана спорты — экстремальдық олимпиадалық спорт түрлерінің бірі. Бұл жарыстар бірорындық шанамен жасанды мұз қатырылған арнайы трассада шапшаң құлдилау түрінде өтеді.