25 желтоқсан күні допты хоккейден жоғары лига командалары арасында Ресей чемпионатында Оралдың «Ақжайығы» Краснотурьинскіде «Динамо-Маяк» командасымен екінші ойынын өткізді.
Оралдықтар бұл кездесуде де шебер ойын өрнегін көрсетіп, соңғы минуттарға дейін 4:2 есебімен алда тұрды. Алайда 86 және 90-минуттан кейінгі қосымша уақытта жергілікті төрешілер «Ақжайық» қақпасына қос бірдей пенальти белгілеп, ойын 4:4 есебімен тең аяқталды.
Осы матчта үш мәрте мергендік танытқан «Ақжайықтың» капитаны Ескендір Нұғманов биылғы маусымда соққан доп санын 17-ге жеткізді.
Екінші топта 27 ұпаймен көш бастаған оралдықтар келесі кездесулерін 27-28 желтоқсанда Екатеринбургте өзімен құйрық тістесіп келе жатқан «СКА-Свердловск» командасымен өткізеді.
ОРАЛ. ҚазАқпарат - Автор: Елжан Ералы