Ресейдің Санкт-Петербор қаласында 18-21 желтоқсан күндері бильярдтың «Қозғалмалы пирамида» түрінен «St.-Petersburg Open» халықаралық турнирі өтті.
Бұл жарысқа Ресей, Украина, Қазақстан, Қырғызстан, Беларусь, Молдова, Өзбекстан елдерінен 64 спортшы қатысқан болатын. Онда ақтық сында украиналық Павел Радионовтан басым түскен молдовалық Сергей Крыжановский жеңімпаз атанды. Үшінші орынды ресейлік Диана Миронова мен қырғызстандық Каныбек Сағынбаев өзара бөлісті. Ал қазақстандықтардан Қаныбек Сағындықов 12-інші, Әлихан Қаранеев 18-інші, Нұркен Сүйкембаев 31-інші, Алмас Әбсейіт 33-інші, Арби Муциев 41-інші, Дәурен Орынбаев 61-інші орынды қанағат тұтты.