Аспандатқан алып мынау-сарайың
Сары арқада сағымба деп қараймын
Тау қопарып,Толағайым әкелген
Асқар Алтай шыңдарына балаймын
Нұрлана бер,гүлдене бер-бас қалам
Адамзатқа бақыт сыйлап әрдайым.
Жайнай бер,жарқылдай бер асыл қала
Аспандай бер,асқақтай бер Астана
Сұлулықтың шыңынан көріне бер,
Ару қала Ақ орда сен-Астана!
Арқа жерін,аша түскен келбетін
Сұлулығың жаулап алды жер бетін
Табиғатпен таласатын әсемдік
Алыста емес,аспанда емес-сен дейтін
Ну орманың,тал бесігің-қорғаның
Аңызақтан аялайтын,тербейтін.
Жайнай бер,жарқылдай бер,асыл қала
Аспандай бер,асқақтай бер-Астана
Сұлулықтың шыңынан көріне бер,
Ару қала,Ақ орда,сен-Астана!
Арбап алдың жан-жүрегін талайдың
Салтанатпен саған әнді арнаймын
Тәуелсіздік туы мәңгі төбеңде
Асқақтасын ақ иықтай самғайтын!
Намысты елдің Ақ ордасы-Астана
Алашымның үміттерін жалғайтын!
Жайнай бер,жарқылдай бер,асыл қала
Аспандай бер,асқақтай бер-Астана
Сұлулықтың шыңынан көріне бер
Ару қала,Ақ орда,сен-Астана!