ҚАЗАҚСТАН ТӘУЕЛСІЗ МЕМЛЕКЕТ!
Құрсауды бұзып жеттік пе - күнге аңсаған
Арманы елдің баянды болсын - Жасаған!
Зұлматты күндер қалды ғой артта - тарихта
Азапты түндер, ажалды шақтар қаншама
Қапыда мынау, оқ болып тиген тасадан.
Салауат дейік, өткенге жұртым, салауат
Төбеде туым - тәуелсіздіктің айғағы!
Арайлы аспан - қалқыған алтын бүркітім,
Нұр шашқан күнім - бақытты елдің байрағы!
Тұғырдан таймай, биіктей берсін қыраным
Әуелей берсін әуезді менің - ән ұраным
Уысқа түскен бақытты алмай ұшырып
Еселей түссек көңілдің жылы шуағын
Ләззатын татып тәтті бір шақтың осын-ау
Салтанат құрып асырсақ, елдің қуатын.
Іргелі елмен деңгейлес болсақ, әрдайым
Заманым болар - оңымнан айым туатын!
Мәңгілік болсын бүгінгі бақыт - мейрамым
Ертеңгі күнім жақсырақ болсын бүгіннен
Мәртебем биік, шаттықта болып ел-халқым
Ләззатын көрсін, еңбектің тер боп төгілген,
Еркіндік, Елдік, Ерлік - боп басты ұраным,
Көк тумен бірге - көбейе берсін ұланым
Еңсесі биік, мәңгілік болсын Ақ орда
Тілегім осы - Тәңірден нақты сұрарым!