Міне, футболдан ел біріншілігі де аяқталды. ФК Ақтөбе үшін ФК Ордабасымен болған соңғы матч нағыз драмаға айналды. Матчтың тартысты болғаны соншалық, ойынның қандай нәтижемен аяқталатынын ешкім де болжай алмады. Біреулер жеңіске ФК Ақтөбе оп-оңай жетеді немесе сатып алады десе, басқалары Ордабасының жеңетініне сенді. Бейресми деректер бойынша, ФК Астана шымкенттік командаға бізді жеңген кезде ірі көлемде ақшалай премия ұсынамыз деп уәделеткен. Бірақ осының барлығына семіз нүктені ойынның соңғы минутында жергілікті футбол түлегі Абат Әймбетов қойды.
Бұл нүктені ақтөбелік жанкүйерлер де күтпеген шығар, өйткені біз 91-ші минутта өз алаңымызда 1:2 есебімен ұтылып жаттық. Қарсылас қақпасына гол соғылғаннан кейін, бізге қатысты барлық күмән бірден жойылды. Өйткені біз осыдан 3-4 бұрынғы жетістіктерімізді қайталап әділ чемпион атандық. Оның үстіне бүкіл маусым бойы бірінші орында келіп, соңында екінші орын алған, клуб үшін ұят болар еді. Өз басым осы матчтың қиын болатынын іштей сезгем. Себебі Астана астаналық команда ретінде чемпион болуға лайықтымыз деп келген. Елордалық Астана президенттік клубында спорттың басқа түрлеріндегі қалған клубтар чемпион болып үлгерген, тек ФК Астананы санамағанда. Ал біздер, яғни ақтөбеліктер үшін қаламызда футболдан басқа дамыған спорт түрі жоқтың қасы. Сондықтан футболдан басқа жерге бара алмаймыз.)) Хоккей, баскетбол атымен жоқ. Әйтсе де волейболдан Хромтау қаласының командасы биіктен көрінген екен, сосын 97 жылғы жергілікті футболшылар да ел чемпионы атанған. Ал "13 сектор" үшін 20"13"-ші жылдың чемпионы болу бұл символикалық деуге болатын шығар. 2009-шы жылдан кейін араға үш жыл салып, көптен күткен "ел футболының патшасы" статусын өзімізге қайтадан әпердік. Бірақ сол үш жыл аралығында біз үздік үштіктен түсіп көрмегенбіз. Енді міне, ФК Ертіспен бірге пентакампеон атандық. Бізге болысқандарға алғыс. Жарайд, енді кезекті суреттерге берейік:
Иә, шеткі сектордағы шеткі орын, бірақ осы тұстан шыққан-кірген ойыншыларды жақыннан көруге болады.
Сиделаның ойынша футбол ол бокс.))
Қосымша ВИП орындар
Қонақтардың орындауындағы бұрыштама соққы…
және гол.
Бірінші тайм осындай есеппен аяқталды.
Алаң қожайындарының бас бапкері В. Никитенко өзіне артылған жауапкершілікті түсінеді
Жанкүйерлерден хормен айтылған «3,14 дарас» сөзін естіп үлгерген төрешілер
Екінші раунд.. кешіріңіздер, екінші тайм басталды. Қонақтардың қақпашысы да өзінің қарсылас әріптесінің ойымен келісетін секілді.))
Потоғрыптар
Ойын тағдырына алаңдап, орындарынан тұрып кеткен қыздар
Уақытты созып тұрған қақпашы
Аййй өкініш.. хааайй өөкініш..
Төреші тарапынан қателік, Мара тарапынан наразылық
Кезінде ФК Ақтөбе сапында ойнаған Қайратқа сары қағаз
Абат Әймбетов пен команда капитаны Петр Бадло
Біздің жауап гол, авторы Юра Логвиненко
Ерте тойлау
Өйткені, қонақтардың екінші голынан кейін су сепкендей басылдық
Бірақ соңғы қосымша минутта күтпеген жерден голды жас ойыншы Абат салды, тіпті байқамай қалдым
Тойлауға аттың басы жіберілді
Марапаттау алдында мини-концерт болды
Йоу-йоу
Виннерлердің шығуын күту
Команда мүшелері мен ойыншыларының қуаныштарында шек жоқ))
Негізгі қақпашы Андрей Сидельников
Қосалқы құрамдағы екінші қақпашы
Юрий Логвиненко (біздің бірінші гол авторы)
Роберт Арзуманян
Андрей Харабара
Марапаттау рәсімі
Бас бапкер Владимир Никитенко
«Ну что ребята, мы чемпионы, как и обещал» деп жатқан шығар
Ақтөбе облысының әкімі Архимед Мұхамбетов
Күнге жалт-жұлт еткен алтын
Алтын табақша бұрынғы қожайындарына оралды
Тәуекел - шампан шарабы
Осылайша, осы маусым біздің жеңіспен аяқталды. Матч аяқталғаннан кейін, қаланың орталық көшелеріне көлікпен шығып, тамақтан тамақ қалдырмай шулап, кептеліс жасадық. Басқа көлік жүргізушілер мен полиция қызметкерлері түсіністікпен қарады деген ойдамыз. Бұған дейінгі матчтарды барымша өткізбей фотоға түсіріп, сайттарға жариялап келдім. Ең бастысы осының бәрі өзім үшін бекер болмағаны. Нәтиже деп осыны айту керек.) Енді келесі маусымда біз үшін қойылған ең жоғарғы «планка» ол — Чемпиондар Лигасының топтық кезеңіне өту! Осылайша кіндіктен жоғары секіріп көреміз.)) Жеңіс құтты болсын, барша болысқандарға!