Yvision.kzYvision.kz
kk
Разное
Разное
399 773 постов41 подписчиков
Всяко-разно
0
04:04, 03 октября 2013

НАТО сарапшылары: қазақстандық бітімгершілер жедел үйлесімді және БҰҰ бітімгершілік операцияларына қатысуға дайын деп танылды

Blog post imageАлматы қаласында Құрлық әскерлері әскери институтындағы «Бейбітшілік жолындағы әріптестік» оқу орталығында «Жедел әлеует тұжырымдамасы» бағдарламасы бойынша НАТО-ның Қазақстан Республикасының Қорғаныс министрлігімен бірлесіп ұйымдастырылған жыл сайынғы конференциясы болып өтті.

Бағдарлама әріптес елдер бітімгершілік бөлімшелерінің НАТО елдерінің қарулы күштерімен өзара іс-қимылға әзірлігін бағалау механизмі болып табылады.

Конференцияға Австрия, Әзірбайжан, Армения, Босния және Герцеговина, Ұлыбритания, Грузия, Германия, Иордания, бұрынғы Югослав республикасынан Македония, Молдова, Мавритания, Норвегия, Сербия, Түркия, Украина, Финляндия, Щвеция және Черногория өкілдері қатысты.

Қатысушылар бітімгершілік бөлімшелерді бағалау жүргізу саласында тәжірибе алмасты, бітімгершілік саласындағы әскери ынтымақтастық, «Жедел әлеует тұжырымдамасы» бағдарламасын дамыту мәселелерін талқылады.

Бұл іс-шара биыл жүргізілген «Қазбат» қазақстандық бітімгершілік батальонының бітімгершілік бөлімшелеріне қойылатын халықаралық стандарттарға сәйкестігін, жедел үйлесімділігін бағалау аясында Қазақстан Қарулы Күштері үшін ерекше маңызға ие.

Естеріңізге сала кетейік, 2013 жылғы тамызда НАТО сарапшылары «Іле» полигонында «Дала қыраны-2013» бітімгершілік оқу-жаттығуын өткізу барысында «Қазбатты» бағалау жүргізген болатын. Батальон жедел үйлесімді және шетелдік бөлімшелермен бірлесіп БҰҰ бітімгершілік операцияларына қатысуға дайын деп танылды.

ҚР ҚМ Баспасөз қызметі

0
255
0