«Қазақстан Барысы» турнирінің екі маусымында жүлдегерлер тұғырынан көрініп, алыптардың талайын тізе бүктірген шығысқазақстандық Шалқар Жоламанов биылғы қатысушылар қатарында жоқ. Шалқар іріктеуден өтпей қалды ма, әлде басқадай себептері болды ма екен?..
Шалқар Жоламанов – Бейбіт Ыстыбаев секілді «Қазақстан Барысы» додасыныңекі маусымында да жүлдеге қол жеткізген білекті балуан. Қазақ күресінің жілігін шағып, майын ішкен Шалқар бұл жобаның күміс және қола белдіктерін еншілеген. Енді оған «Қазақстан Барысы» деген ат қана жетпей тұрған.
Биыл іріктеу турнирі басталған тұста республикалық арналардың біріне сұхбат берген Шалқар «Биыл бірінші орыннан үміттімін» деген болатын. Бірақ финалдықбәсекеге жолдама алған 33 балуанның қатарына Жоламанов ілікпей қалды. Оныңсебебі…
Шығыс Қазақстан облысында өткен іріктеу сынының үшінші кезеңінде Шалқар мен талантты жас балуан Мұхит Тұрсыновтың жолы түйіскен болатын. Осыдан бұрынғы екі маусымда да Мұхит пен Шалқарды жеребе жолықтырған еді. Сол екі кездесуде де Мұхит Тұрсынов ағасына күреспей жолын берген екен.
Биыл тағы да екі балуан іріктеу сынында кездесіп қалады. Бұл жолы Шалқар мәрттік танытып, күресте ізін басып келе жатқан жас балуан Мұхит Тұрсыновқа күреспей, жолын берді. Осылайша биыл шығыстың намысын Айбек Нұғымаров пен жас талант Мұхит Тұрсынов қорғайтын болды.